कैदी महिलाले गरे जेलभित्रै सेक्स पार्टी, गार्डलाई लठ्याएर सामूहिक ‘जेल ब्रेक’

जेलभित्रै सेक्स पार्टीको आयोजना गरी जेलका सुरक्षा गार्डलाई रक्सी खुवाई बेहोस पारेर तिनजना महिलाहरु जेलबाट भाग्न सफल भएका छन् । आफुमात्र होइन, उनीहरुले अन्य २८ जना कैदीलाई समेत जेलबाट भगाउन सफल भएका छन् । ब्राजिलमा घटेको यो अनौठो सामूहिक जेल ब्रेकको घटना अहिले खुबै चर्चित बनेको छ । ब्राजिलको कुइआबस्थित नोभा मुटुम सार्वजनिक कारागारमा रहेका तिनजना सुरक्षा गार्डलाई आफ्नो सेक्सी पहिरनले काबुमा पारेर सेक्स पार्टीको आयोजना गरेपछि ती महिलाहरुले सुरक्षा गार्डहरुलाई कमसल खालको हि्वस्कीमा लठ्याउने वस्तु मिसाएर खुवाई जेलब्रेक गर्न सफल भएका हुन् । रातको समयमा जेलका सबै कैदी भागेपछि अर्को बिहान जेलमा पुग्दा तिनजना सुरक्षा गार्डहरुलाई नांगै बनाएर हात बाँधिएको अवस्थामा प्रहरीले फेला पारेको थियो । समाचार अनुसार रातको तिन बजे तिनजना बन्दी महिलाहरु निकै सेक्सी अन्तरवस्त्रमा ठाँटिएर जेलको सुरक्षार्थ खटिएका वार्डेनहरुसामु आए । उनीहरुले आफुहरुको सेक्स पार्टीमा सहभागी हुन गार्डहरुलाई निम्तो दिए । ती कामूक महिलाहरुको सेक्सिलो आग्रहलाई नकार्न सकेनन् गार्डहरुले । उनीहरु आफ्नो पोष्ट छाडेर कैदी महिलाहरुले आयोजना गरेको रक्सीयुक्त सेक्स पार्टीमा सहभागी हुन भित्र छिरे । सुरक्षा गार्डहरुलाई काबुमा पारेपछि उनीहरुले लठ्याउने पदार्थ मिसाएको रक्सी खुवाए । त्यसपछि गार्डहरु बेहोस बनेर ढल्न थालेपछि उनीहरुले तिनै जनालाई नांगै पारे र हात पछाडि लगेर बाँधिदिए । त्यस लगत्तै उनीहरुले जेलको साँचो हात पारेर जेलका सबै कोठाहरु खोली आफुसँगै अन्य कैदीहरुलाई समेत भगाए । कैदीहरुले जेलबाट भाग्दा जेलमा राखिएका हतियार र गोलीगठ्ठा समेत चोरेर भागेका छन् । प्रहरीले जेलभित्रबाट महिलाका विभिन्न सेक्सी अन्तरवस्त्रहरु तथा पुलिस युनिर्फम समेत फेला पारेको छ । प्रहरीले कैदी महिलाको काबुमा परेर जेलका सबै कैदी भगाएको आरोपमा तिनै जना गार्डलाई नियन्त्रणमा लिई मुद्दा चलाएको छ । यसैबीच जेलबाट भागेका २८ मध्ये ८ जना कैदीलाई प्रहरीले पक्राउ गर्न सफल भएको छ ।